जेठको ११ देखि १५ सम्म पोखराको अमरसिंहमा रहेको एमआरपी बियर रेष्टुरेण्टमा लेकाली बियर च्यालेन्ज हुने भएको छ । होटल टास्क ईन्टरनेशनल प्रा.लि.को आउटलेट लेकाली सेकुुवा रेष्टुरेण्ट एण्ड बारले सञ्चालनमा ल्याएको एमआरपी बियर रेष्टुरेण्टकोे दोश्रो वर्ष प्रवेशको अवसरमा लेकाली बियर च्यालेन्ज गर्ने भएको छ । बियर पारखीहरु बीचको बियर पिउने प्रतिस्पर्धात्मक प्रतियोगितानै लेकाली बियर च्यालेन्ज प्रतियोगिता भएको र उक्त प्रतियोगिता मार्फत बियरको अनुपम अनुुभव लिन सकिने रेष्टुुरेण्टका सञ्चालक मिन बहादुर गुरुङले वताए ।

उक्त प्रतियोगितात्मक कार्यक्रम अन्तर्गत जेठ ११ देखी १४ सम्म हरेक दिन एउटा इभेन्ट सम्पन्न हुने छ । इभेन्टमा सहभागी हुनका लागी पहिला आउनेलाई प्राथमिकता दिदै प्रत्येक दिन १० जनाले सहभागीता जनाउन सक्नेछन । १० जना मध्ये १० मिनेटको अवधिमा जस्ले बढी बियर पिउन सक्छ सो ब्याक्ति उक्त इभेन्टको बिजयी हुने छ । इभेन्टमा सहभागीले प्राप्त मात्रामा बियर पिउन सक्नेछन । ११ देखी १४ गते सम्मको लागि हरेक दिनको इभेन्टमा बिजयीले एक कार्टुन बियर, प्रमाणपत्र र एक वर्षको लागि एमआरपी बियर रेष्टुरेण्टमा प्रिभिलेज कार्ड प्राप्त गर्नेछन ।

११ देखी १४ गते सम्मको बिजेताबीच जेठ १५ गते ग्राण्ड एमआरपी बियर च्यालेन्ज प्रतियोगितामा सहभागी हुनेछन । उक्त प्रतियोगितामा बिजेताले एमआरपी हिरो अफ द इयरको अवार्ड प्राप्त गर्नेछन । अवार्ड संगै बिजेताले होटल टास्क इन्टरनेश्नल प्रा.लि. र होेटलको चारवटै आउटलेट्सको लागि प्रिभिलेज कार्ड प्राप्त गर्नेछन ।

प्रतियोगितामा सहभागी हुनका लागि १५ सय सहभागीता शुल्क लाग्ने र अन्तिम प्रतिस्पर्धाका लागि कुनैपनि शुल्क नलाग्ने संचालक गुरुङले वताए । प्रतियोगितामा सहभागीता जनाउनका लागि रजिस्ट्रेशनका लागि होटल टास्क ईन्टरनेशनल प्रा. लि., लेकाली चुलो घर, लेकाली कफि हाउस, लेकाली सिटि भ्यू रेष्टुरेण्ट र लेकाली सेकुवा एण्ड सुकुटी घरमा सम्पर्क गर्न सकिने छ । प्रतियोगितामा सहभागी संख्या सिमित भएकाले अग्रीम बुकिङका लागि समेत आयोजकले अनुरोध गरेको छ । प्रतियोगिताको बारेमा जानकारी लिनका लागि लेकाली सेकुवा रेष्टुरेण्ट एण्ड बार एमआरपी बियर रेष्टुरेण्ट अमरसिंह चोकमा सम्पर्क गर्न सक्नेछन ।

लेकाली सेकुुवा रेष्टुरेण्ट एण्ड बारले सञ्चालनमा ल्याएको एमआरपी बियर रेष्टुरेण्टमा एमआरपी मा बियरहरु उपलब्ध हुदै आएको छभने धराने बंगुर, बंदेल, मटन, चिकन, बफको सेकुवासंगै हांस, बफ सुकुटी र बट्टाइका परिकारहरु उपलब्ध रहेका छन । दोश्रो वर्ष प्रवेश संगै ड्राफ्ट बियर बार समेत ग्राहकहरु समक्ष पस्कने सञ्चालकले जनाएको छ । प्रतियोगिताको अन्तिम दिन सांझ राष्ट्रिय कलाकारहरुद्धारा सांगीतिक कार्यक्रम सहित लाइभ म्युजिक समेत रहने छ ।