महिला क्लब पोखराको तिज विशेष कार्यक्रम एवम् सम्मान कार्यक्रम सम्पन्न भएको छ । कार्यक्रममा बोल्दै पोखरा महानगर पालिका वडा नं. ७ का वडा अध्यक्ष राम मोहन आचार्यले सबै महिला अवद्घ सामाजिक संघ संस्थाले सामुहिक रुपमै यस्त किसिमका सांस्कृतिक कार्यक्रम मनाए सामाजिक एकताको संन्देश झल्कने बताउदै जनप्रतिनिधिलाई पनि यस्ता कार्यक्रम पटक पटक भुल्न नपर्ने बताउनुभयो । उहाँले आगामी दिनमा यस्ता कार्यक्रम मासबार क्षेत्रमै सामुहिक रुपमा संचालन गर्न आग्रह गर्दै वडाले पनि सहयोग गर्ने बताउनुभयो ।  कार्यक्रममा मासबार आमा समुहका पुर्व अध्यक्ष टिकादेवी अधिकारी र महिला विकासका लागि आमा समुहका पुर्व अध्यक्ष एवम स्वास्थ्य स्वयम सेविका मनमाया बराललाई समाजिक कार्यमा पुर्याएको योगदान स्वरुव दोसल्ला, माला र सम्मान पत्रले सम्मान गरिएको थियो । सम्मानित व्यक्तित्व टिकादेवी अधिकारी र मनमाया बरालले आफ्नो सामाजिक कामको मुल्याङ्कन गरेर सम्मान गरेकोमा क्लबलाई धन्यवाद दिनुभयो ।कार्यक्रममा पोखरा ७ का जनप्रतिनिधी  बसुन्धरा लामिछाने र सुनिता सुनारले महिला दिदी बहिनीलाई तिजको शुभकामना दिनुभयो ।तिज विशेष कार्यक्रममा सहभागी भइ उत्कृष्ट नृत्य प्रस्तुत गर्ने बिमला चापागाई, सिर्जना बराल,मनिष बराल,समिक्षा बराल र सिता बराललाई पुरष्कृत गरिएको थियो । त्यस्तै तिज गित तर्फ उत्कृष्ट प्रस्तुति दिने हिरा लामिछाने र उषा खनालको समुहलाई पनि पुरस्कृत गरियो । क्लबका अध्यक्ष मिना बराल आचार्यको सभाध्यक्ष सम्पन्न कार्यक्रममा स्वागत उपाध्यक्ष कमला खनाल र संचालन सचिव सृजना बरालले गर्नुभएको थियो ।