२०८१।०५।०९ गते अं.१८:०० बजेको समयमा जिल्ला कस्की अन्नपुर्ण गाउछपालिका वडा नं. ९ तिखेढुङ्गा स्थित मौजाखोला नजिकै रहेको गोरेटो बाटोमा २ वटा वेवारिसे झोलाहरु भेटिएको भन्ने सूचना प्राप्त
हुनसाथ प्रहरी चौकी बिरेठाटीबाट प्रहरी टोली खटिई गई हेर्दा निम्न सामानहरु सहितको २ वटा झोलाहरु फेला पारी प्रहरी चौकी बिरेठाटीमा ल्याई राखेको । सो सम्बन्धमा वडा प्रहरी कार्यालय बगरबाट थप प्रहरी
टोली, अन्नपुर्ण गा.पा. वडा नं. ८ का वडा अध्यक्ष बिजय गुरुङ र ACAP का प्रतिनिधी यम ब. गुरुङको रोहबरमा टोली खटिई गई झोला खोली हेर्दा Spanish नागरिक बर्ष ३७ को Eric Soler Casanovas, (PAN072420) नं. को Passport, बर्ष ३२ की Merce Molas Junca, PAQ122767 नं. को Passport, POCO कम्पनीको (स्क्रिन टच) मोवाईल थान -१, पासपोर्ट साईजको फोटो, विभिन्न कपडा, लगायतका
सामानहरु रहेको २ वटा झोलाहरु रहेको । सोही समयमा नजिकै खोलाको छेउछाउमा खोजतलास गर्दा टोपी थान-१, टिसर्ट -१ थान, आल्मुनियमको स्टिक (लौरी) थान -१, G.P.S. थान -१ फेला परेको । र ऐ. स्थित झरनाको फेदीमा २ ओटा ट्रेकिङ स्टिक समेत फेला परेको ।थप अपडेट :- उक्त स्थानमा आज मिति २०८१।०५।११ गते प्रहरी चौकी बिरेठाँटी कास्कीबाट पर्यटक प्रहरी समेत ७ जना र सशस्त्र प्रहरी नं.२४ हेडक्वाटर मालेपाटनबाट ७ जनाको टोली खटिई गई खोजतलास गर्दा ऐ.१३:१५ बजे बिदेशी नागरीक जस्तो देखिने पुरुष व्यक्तिको शव अन्नपूर्ण गा.पा. वडा नं. ९ भुरुङ्दी खोलामा फेला परेको, सो सम्बन्धमा थप खोजतलास तथा अनुसन्धान कार्य भई रहेको ।