विराटनगर , असार २८गते
नेपाल विधुत प्राधिकरणको ३३÷११ केभी टंकी सब स्टेशन अन्तर्गतको ३३ केभी विराटनगर–३ फिडरमा देखिएको अत्यधिक विधुत भार (ओभरलोड) को समस्या समाधान गर्न नेपाल विद्युत् प्राधिकरण विराटनगर वितरण केन्द्रले लोड व्यवस्थापन गरेको छ ।
नेपाल विधुत प्राधिकरण विराटनगर वितरण केन्द्रका प्रमुख राम उदगार शाह का अनुसार बढ्दो विद्युत् भारका कारण विराटनगर–३ फिडरबाट विद्युत् आपूर्तिमा समस्या देखिन थालेपछि टंकी सबस्टेशनमा रहेका दुईवटा २४ एमभीए क्षमताका पावर ट्रान्सफर्मरको सञ्चालन प्रणाली परिवर्तन गरिएकोे उहाँले बताउनुभयो । उहाँका अनुसार पावर ट्रान्सफर्मर नं. १ लाई ३३ केभी विराटनगर–२ फिडरबाट र पावर ट्रान्सफर्मर नं. २ लाई ३३ केभी विराटनगर–३ फिडरबाट सञ्चालनमा ल्याइएको उहाँले बताउनुभयो ।
अहिले लोड व्यवस्थापनपछि विराटनगर–३ फिडरमा रहेको ओभरलोडको समस्या हटेको, दुवै पावर ट्रान्सफर्मरमा विद्युत् भार सन्तुलित रूपमा बाँडिएको र विद्युत् प्रणाली सुरक्षित तथा भरपर्दो बनेको उहाँले दाबी गर्नुभयो ।
अहिले लोड व्यवस्थापनपछि विराटनगर–३ फिडरमा रहेको ओभरलोडको समस्या हटेको, दुवै पावर ट्रान्सफर्मरमा विद्युत् भार सन्तुलित रूपमा बाँडिएको र विद्युत् प्रणाली सुरक्षित तथा भरपर्दो बनेको उहाँले दाबी गर्नुभयो ।
उहाँको अनुसार हाल सम्बन्धित क्षेत्रमा विद्युत् आपूर्ति पूर्ण रूपमा सुचारु छ । यस व्यवस्थापनले विद्युत् प्रणालीको स्थायित्व बढाउनुका साथै उपभोक्तालाई थप भरपर्दो सेवा प्रवाह गर्न सहयोग पुग्ने विश्वास उहाँले गर्नुभयो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
