पूर्वी चितवनमा, मानव बेचबिखन विरुद्धको जनचेतनामुलक कार्यक्रम सम्पन्न भएको छ

  • ख-
  • ख
  • ख+

राप्ती,मंसिर ८- गते
पुर्वी चितवनको राप्तिमा मानव बेचबिखन विरुद्धको जनचेतनामुलक कार्यक्रम सम्पन्न भएको छ।
राप्ती-१,लोथरस्थित थ्री एन्जल नेपाल, पूर्वी चितवनको आयोजना रहेको सो कार्यक्रममा अस्थायी प्रहरी चेक पोष्ट राप्तिका प्रमुख गोपि बहादुर ब्लोन प्रमुख अतिथिको रुपमा रहेका थिए।त्यस्तै,लोथर टोल बिकास संस्थाको अध्यक्ष होम बहादुर रुम्बा ,समाजसेवी डम्बर बहादुर ढुंगाना,ट्राफिक प्रहरी बलराम थापा मगर लगायत अतिथिको रुपमा रहेका थिए। कार्यक्रममा बोल्दै प्रमुख अतिथी बोल्नले भने,” मानव बेचबिखन ओसार पोसार न्यूनीकरण गर्न

राज्य मात्रै नभएर तीन वटा तह नै गम्भीर रुपमा लाग्नुपर्छ। यस्ता जघन्य अपराध दिनानुदिन मौलाउँदै जानुमा लैंगिक हिंसा पनि प्रमुख कारण हो।जनस्तर बाट नै बेलैमा सजगता नअपनाए यसले समाजमा ठुलो असर पर्ने देखिन्छ।”
राप्ती नगरपालिकाका महिला,यातायात व्यवसायी र होटल व्यवसायीका प्रतिनिधिहरु सहभागी रहेको सो कार्यक्रममा प्रहरी ब्लोनले मानव बेचबिखन तथा ओसार-पोसारले निम्त्याउने जोखिम, रोकथामका उपाय तथा कानुनी व्यवस्थाबारे
प्रशिक्षण दिएका थिए।त्यस्तै, कार्यक्रमका सहभागीहरुले समाजमा देखा पर्ने

कुनै पनि आपराधिक गतिबिधी बारे समाजलाई सजग बनाउँदै सोको न्यूनीकरणका लागि प्रहरी सङ्ग निरन्तर सम्पर्कमा रहने प्रतिबद्धता व्यक्त गरे। परेवाश्वरी सामुदायिक वनका उपाध्यक्ष प्रेम बहादुर खुलालको सभाध्यक्षता रहेको सो कार्यक्रम थ्री एन्जल नेपाल पूर्वी चितवनकी संयोजक सुनिता सिल्वालले संचालन गर्नुभएको थियो।

नेपाली न्यूज मिडिया नेटवर्कद्वारा सञ्चालित यो एक डिजिटल समाचार पत्रिका हो। यसले मुख्यतया राष्ट्रिय र अन्तराष्ट्रिय समसामयिक विषयका समाचारहरू प्रकाशन गर्दै आइरहेको छ।
हामीसँग तपाइ फेसवुक, ट्विटर, भाइवर, इन्स्टाग्राम र टिकटकमा पनि हामी संग जोडिन सक्नु हुन!!
प्रतिक्रिया दिनुहोस्
सम्बन्धित समाचार

राजनीति

समाचार