लम्की महोत्सव सुरु, मुख्यमन्त्री शाहले गरे उद्घाटन

  • ख-
  • ख
  • ख+

Image

मङ्सिर १० गते

धनगढी – कैलालीको लम्कीमा आजदेखि लम्की सांगीतिक महोत्सव तथा व्यापार मेला २०८० सुरु भएको छ । सामुदायिक रेडियो पश्चिम आवाज १०४.७ मेगाहर्जको आयोजनामा महोत्सव सुरु भएको हो ।

महोत्सवको सुदूरपश्चिम प्रदेशका मुख्यमन्त्री कमलबहादुर शाहले उद्घाटन गरेका छन । बुधबार देखि सुरु भएको महोत्सव पुस १६ गतेसम्म सञ्चालन हुनेछ । ‘शिक्षा सूचना विकासको अभियान, कृषि, व्यापार, संस्कृति र पर्यटन हाम्रो पहिचान’ नारासहित महोत्सव सञ्चालन गरिएको हो ।

महोत्सवमा स्थानीय कृषि उत्पादनको प्रदर्शनी, लघु, घरेलु तथा साना उद्योगको प्रवद्र्धन, आवश्यक ज्ञान, सीप, उद्यमशीलता र प्रविधि हस्तान्तरण, कला संस्कृतिको विकास तथा राष्ट्रिय तथा अन्तर्राष्ट्रिय रूपमा उत्पादित औद्योगिक एवं दैनिक उपभोग्य वस्तुको बजार प्रवद्र्धन गर्न मेला आयोजना भएको रेडियोका स्टेशन म्यानेजर देवानन्द न्यौपानेले बताए ।

महोत्सवमा करीब डेढ लाख दर्शकले अवलोकन गर्ने र करीब ५० लाख बराबरको आर्थिक कारोबार हुने अपेक्षा गरिएको छ । महोत्सव अवधिभर दर्शकको सांगीतिक मनोरञ्जनका लागि स्थानीय तथा राष्ट्रिय स्तरका ख्याति प्राप्त कलाकारको प्रस्तुति रहनेछ ।

अत्तरिया मिडिया प्रा.लि बाट साबार गरिएको समाचार
गोदावरी ४, अत्तरिया कैलाली

नेपाली न्यूज मिडिया नेटवर्कद्वारा सञ्चालित यो एक डिजिटल समाचार पत्रिका हो। यसले मुख्यतया राष्ट्रिय र अन्तराष्ट्रिय समसामयिक विषयका समाचारहरू प्रकाशन गर्दै आइरहेको छ।
हामीसँग तपाइ फेसवुक, ट्विटर, भाइवर, इन्स्टाग्राम र टिकटकमा पनि हामी संग जोडिन सक्नु हुन!!
प्रतिक्रिया दिनुहोस्
सम्बन्धित समाचार

राजनीति

समाचार