
पोखरा ,मङ्सिर १४ गते
पोखरा मा छैटौँ योमरी महोत्सव (Pokhara Sixth Yomari Festival) सम्पन्न भएको छ। पोखरा महानगरपालिका वडा न ४ को आयोजना मा नेवा : मिसा पूच कास्कीको आवहान तथा पोखरा ४ का मिसा पुचहरुको सहकार्यमा छैटौँ योमरी महोत्सव “संस्कृति संरक्षण, सम्बद्र्धन र प्रवर्द्धन” भन्ने नाराका साथ हिजो (शनिबार ) सम्पन्न भएको हो । पोखरा महानगरपालिका वाड नं ४ ले हरेक वर्ष आयोजना गर्ने योमरी महोत्सव यस बर्ष पनि विभिध कार्यक्रम गरि मनाइएको थियो ।
महोत्सवको उदघाटन पोखरा महानगरपालिकाका मेयर धन राज आचार्यले गर्नु भएको थियो ।।नेवारी कला/संस्कृति जोगाउने, यःमरी जस्ता परम्परागत परिकारलाई पुनर्जीवित गर्ने, र स्थानीय पर्यटक दुबैले सहभागी हुन सक्ने सांस्कृतिक-पर्यटनिय महोत्सव बनाउने उद्देश्य महोत्सव को रहेको थियो । योमरी प्रतियोगिता मा विभिन्न समूहहरुले प्रतिस्पर्धा गरेका थिए जहाँ स्वाद, विधि, सामग्री लगाएत आधारमा प्रतियोगी को मूल्यांकन गरिएको थियो ।नेवारी परिकारको स्टलहरू: चाकु यःमरी, खुवा यःमरी लगाएत परम्परागत खानाका स्टल रहेका थिए ।सांस्कृतिक कार्यक्रमहरू: विद्यार्थी नृत्य, झाँकी (परम्परागत झाँकी प्रदर्शन), ब्यान्ड शो लगाएत गतिविधि उक्त महोत्सव मा रहेको थियो ।
योमरी प्रतियोगिता महोत्सव मा प्रथम, दोस्रो, तेस्रो, र सान्त्वना को लागि क्रमश: रु १५,०००, १०,०००, ६,०००, ३,००० प्रदान गरिएको थियो । महोत्सवले ‘यमरी’ जस्ता लुप्त हुँदै गरेको परिकारलाई पुनर्जीवित गर्ने पहल गरेको, र नयाँ पुस्तालाई परम्परागत संस्कृति र खानाको महत्व बुझाउन मद्दत पुगेको आयोजकहरूको भनाइ रहेको थियो । आयोजक पक्षका अनुसार योमरीलाई सबै समुदायको लागि साझा खानाको रूपमा प्रवर्द्धन गर्ने र यसले पोखराको सांस्कृतिक सम्पदालाई मजबुत बनाउने लक्ष्य रहेको थियो। यसरी नेवार समुदायका महत्वपूर्ण कार्यहरूमा बनाइने योमरीको सांस्कृतिक धार्मिक तथा वैज्ञानिक महत्व रहेको पोखरा महानगरपालिका वडा ४ का अध्यक्ष देवकृष्ण पराजुली बताउनु भएको थियो । योमरी पूर्णिमा पनि एक विशेष पर्व हो। विशेषगरी नेवार समुदायमा प्रचलित योमरी पुण्ही नेपाल सम्वत अनुसार मङ्सिर शुक्ल पूर्णिमाको दिन योमरी पुण्य तथा धन धान्य पूर्णिमा भनेर मनाइने गरिन्छ।







